'അല്‍വാന്‍' 2011 അക്കാഡമിക് ഫെസ്റ്റ്ക്യാമ്പസിന് പുത്തനുണര്‍വ്വേകി ചാനല്‍ ഡിസ്‌കഷന്‍
കാപ്പാട്: കെ.കെ.എം. ഇസ്ലാമിക് അക്കാദമി വിദ്യാര്‍ത്ഥി സംഘടന അല്‍-ഇഹ്‌സാന്‍ സംഘടിപ്പിക്കുന്ന 'അല്‍വാന്‍' 11 ഫെസ്റ്റിലെ ആവേശകരമായ ഹൗസിന മത്സരം ചാനല്‍ ഡിസ്‌കഷന്‍ ക്യാമ്പസിന് പുത്തനുണര്‍വ്വേകി. ദര്‍ശന ടി.വി ചീഫ് പ്രോഗ്രാം കോ.ഓര്‍ഡിനേറ്റര്‍ ഐ എം എ സലാം, 'ചന്ദ്രിക' സബ് എഡിറ്റര്‍മാരായ നൗഫല്‍ പേരാമ്പ്ര, ശാഹിദ് തിരുവള്ളൂര്‍ എന്നിവര്‍ വിധി നിര്‍ണ്ണയിച്ച ചാനല്‍ ഡിസ്‌കഷന്‍ പരിപാടിയായിരുന്നു ഫെസ്റ്റിന്റെ രണ്ടാം ദിവസത്തിലെ മുഖ്യ ആകര്‍ഷണം., 'കുത്തകകള്‍ കാലു കുത്തിയാല്‍', 'മുല്ലപ്പെരിയാര്‍ വാദവും മറുവാദവും' 'ക്യാമ്പസിലെ മൊബൈല്‍ ഉപയോഗം വഴിയും വഴികേടും' തുടങ്ങി വ്യത്യസ്തമായ സമകാലീന വിഷയങ്ങളെ അധികരിച്ചായിരുന്നു പരിപാടി. പരിപാടി ഉന്നത നിലവാരം പുലര്‍ത്തിയെന്ന് വിധികര്‍ത്താക്കള്‍ അഭിപ്രായപ്പെട്ടു.
