25/09/2012

ആത്മീയത മനുഷ്യന്റെ ജീവവായു: എം.ജി.എസ്

ആത്മീയത മനുഷ്യന്റെ ജീവവായു: എം.ജി.എസ്  
കാപ്പാട്: ആത്മീയത മനുഷ്യന്റെ ജീവവായുവാണെന്നും ആദ്ധ്യാത്മികതക്ക് പ്രാധാന്യം കല്‍പ്പിക്കാത്ത പ്രത്യായശാസ്ത്രങ്ങള്‍ക്ക് നിലനില്‍പ്പില്ലെന്നും പ്രമുഖ ചരിത്രകാരന്‍ ഡോ. എം.ജി.എസ് നാരായണന്‍ അഭിപ്രായപ്പെട്ടു. സോവിയറ്റ് യൂണിയന്റെ പതനം ഇതാണ് കാണിക്കുന്നത്. മനുഷ്യന്റെ ആത്മീയ ചോദനകളെ ഉരുക്കുമുഷ്ടി കൊണ്ട് അടിച്ചമര്‍ത്തിയ ഭരണകൂടങ്ങള്‍ക്ക് കീഴില്‍ പൊറുതി മുട്ടിയ ജനതയുടെ വിമോചന പ്രഖ്യാപനമായിരുന്നു സോവിയറ്റ് യൂണിയനില്‍ സംഭവിച്ചത്.
ആത്മീയ ഭൗതിക വിഭജനങ്ങള്‍ തന്നെ പ്രകൃതിവിരുദ്ധമാണ്. വിവിധ ദര്‍ശനങ്ങള്‍ മുന്നോട്ട് വെച്ച ചിന്താധാരകളെ സൗഹൃദ ഭാവത്തോടെ സ്വാംശീകരിക്കാന്‍ കഴിഞ്ഞുവെന്നതാണ് ലോകത്ത് കേരളത്തെ വ്യത്യസ്ഥമാക്കി നിര്‍ത്തുന്നത്. ലോകത്തിന്റെ വിവിധ ഭാഗങ്ങൡ പരസ്പരം പോരടിക്കുമ്പോഴും തികഞ്ഞ സൗഹൃദ ഭാവം കാത്ത് സൂക്ഷിക്കാന്‍ ഇവിടെയെത്തിയ മതവിഭാഗങ്ങള്‍ക്ക് കഴിഞ്ഞു. ചരിത്രത്തില്‍ നിരവധി തെളിവുകള്‍ ഈ വസ്തുതകള്‍ സാധൂകരിക്കുന്നുണ്ട്. അദ്ദേഹം കൂട്ടിച്ചേര്‍ത്തു.
കെ.കെ.എം. ഇസ്്‌ലാമിക് അക്കാദമി വിദ്യാര്‍ത്ഥി യൂണിയന്‍ സംഘടിപ്പിച്ച 'ഇസ്ദിഹാര്‍ 2012' ഫെസ്റ്റ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അല്‍ ഹുദാ ജനറല്‍ സെക്രട്ടറി പി.കെ.കെ ബാവ ഉപഹാരം സമര്‍പ്പിച്ചു. അഹ്്മദ് കോയ ഹാജി എം.ഇ.എസിനെ പൊന്നാട അണിയിച്ചു. പ്രിന്‍സിപ്പാള്‍ റഷീദ് റഹ്്മാനി കൈപ്രം അധ്യക്ഷത വഹിച്ചു. ശവീല്‍ യൂണിവേഴ്‌സിറ്റി സ്വാഗതവും ശരീഫ് തോടന്നൂര്‍ നന്ദിയും പറഞ്ഞു.

23/09/2012

ഇസ്ദിഹാര്‍-2012 വൈവിധ്യമായി സ്റ്റേജ് അലങ്കാരം..

''ഇസ്ദിഹാര്‍-2012'' വൈവിധ്യമായി സ്റ്റേജ് അലങ്കാരം..
കാപ്പി നിറം കലര്‍ന്ന കറുത്ത പശ്ചാത്തലത്തില്‍ തെളിഞ്ഞു കാണുന്ന മുളങ്കൊമ്പുകളാല്‍ വശ്യമായ പ്രകൃതി സൗന്ദര്യം നിറഞ്ഞു നില്‍ക്കുന്ന വേദി കൗതുകമായി. തെര്‍മോകോളില്‍ മുളങ്കൊമ്പിന്റെ സൗന്ദര്യം ചിത്രീകരിച്ചാണ്ഇസ്ദാഹാറിന്റെ വേദി അലങ്കരിച്ചത്. സുഹൈല്‍ സി.കെ കളരാന്തിരി, ജസീം ഇ.കെ അമ്പലക്കണ്ടി, നിഅമല്‍ കെ.കെ മട്ടന്നൂര്‍, മുഹമ്മദ് കെ.ടി വേങ്ങര എന്നിവര്‍ ചേര്‍ന്നാണ് വേദി അലങ്കരിച്ചത്.  

ഇസ്ദിഹാര്‍ 2012 അക്കാദമിക് ഫെസ്റ്റിന് ആവേശ്വോജ്ജ്വല തുടക്കം....

''ഇസ്ദിഹാര്‍ 2012'' അക്കാദമിക് ഫെസ്റ്റിന് ആവേശ്വോജ്ജ്വല തുടക്കം....അല്‍ ഇഹ്‌സാന്‍ സംഘടിപ്പിക്കുന്ന ആറാമത് അക്കാഡമിക് ഫെസ്റ്റ് ഇസ്ദിഹാര്‍ 2012 ന് ആവേശ്വോജ്ജ്വല തുടക്കം. വെള്ളിയാഴ്ച്ച രാത്രിയോടെ പ്രാരംഭം കുറിച്ച പരിപാടിയില്‍ കൊയിലാണ്ടി മണ്ഡലം മുസ്ലിം യൂത്ത്‌ലീഗ് ജോയിന്‍ സെക്രട്ടറി ഷരീഫ് മാസ്റ്റര്‍ ഉദ്ഘാടന കര്‍മ്മം നിര്‍വഹിച്ചു. വ്യത്യസ്തമായ കലാ പരിപാടികളാല്‍ ശ്രദ്ധേയമായ അക്കാഡമിക് ഫെസ്റ്റില്‍ നാളെ മുഖ്യാതിഥിയായി പ്രശസ്ത ചരിത്ര പണ്ഡിതനും ചിന്തകനുമായ ഡോ.എം.ജി.എസ് നാരായണന്‍ പങ്കെടുക്കും. ഉദ്ഘാടന സമ്മേളനത്തില്‍ സ്ഥാപനത്തിന്റെ പ്രിന്‍സിപ്പാള്‍ റശീദ് റഹ്മാനി അധ്യക്ഷത വഹിച്ചു. മൂസ മാസ്റ്റര്‍, കോയാലിക്കണ്ടി മുഹമ്മദ് കോയ, പനായി അബ്ദുല്‍ ഖാദര്‍, സി.കെ അഹമ്മദ് മൗലവി എന്നിവര്‍ പങ്കെടുത്തു.

20/09/2012

'ഇസ്ദിഹാര്‍-2012' അക്കാഡമിക് ഫെസ്റ്റി‌ന്‌

'ഇസ്ദിഹാര്‍-2012'  അക്കാഡമിക് ഫെസ്റ്റി‌ന്‌
നാളെ തുടക്കം
കാപ്പാട്:കെ.കെ.എം.ഇസ്‌ലാമിക് അക്കാദമി വിദ്യാര്‍ത്ഥി സംഘടന അല്‍ഇഹ്‌സാന്‍ സംഘടിപ്പിക്കുന്ന  ആറാമത് അക്കാദമിക് ഫെസ്റ്റ് 'ഇസ്ദിഹാര്‍-2012' ന് നാളെ തുടക്കമാവും. കേരളത്തിലെ പ്രമുഖചരിത്ര പണ്ഢിതനും ചിന്തകനുമായ ഡോ. എം.ജി.എസ് നാരായണന്‍ പരിപാടി ഉദ്ഘാടനം ചെയ്യും. ഇരുനോറോളം മത്സരയിനങ്ങളിലായി ഒരാഴ്ച നീണ്ടുനില്‍ക്കുന്ന പരിപാടിയില്‍ രാഷ്ട്രീയ സാമൂഹിക സാംസ്‌കാരിക രംഗത്തെ പ്രമുഖര്‍ വിധി കര്‍ത്താക്കളായി പങ്കെടുക്കുമെന്ന് സംഘാടകര്‍ അറിയിച്ചു.
Next previous home

Search This Blog